- Advertisement -
علی بلوچ
لائبریرین
2012 ٹی ھراتم زیباغا دیار مستونگ ٹی سراوان ڈیجیٹل لائبریری نا بنداو تخنگا تو ادب دوست ،دانشور،و ایلو خوانوکا لس بندغاک دا لائبریری نا آباد مننگ ئِ اسے جوانو اقدام اس قرار تسور۔
داکان مست مستونگ نا دا سیاسی و ادبی آمخلوک کہ خواننگ نا اور ادبی آ کاریم تے کہ دونو زیبا و ماڑی ھلو ۔ ٹاون کمیٹی ٹی اسہ کتاب جاہ اس اسکا والے اوڑان علاقہ نا مخلوق خاص و فائدہ اس دوئی کتو کہ اونا وجہ دا اس کہ دا خوانوکا مخلوق ءسما ھم ھلو کہ ٹاون کمیٹی ٹی اسہ کتاب جاہ اس ھم ارے مخلوق ھندہ سوچے تخا کہ کہ دا کتاب جا ہ بیرہ ھمو ادارہ نا ئِ ھر کہ دادے جوڑکرینے ۔
منا وخت ھندہ کتاب جاہ تینا ھندا برقرار اسکا ھراتم 2002 اٹ علاقائی گچین کاریک ایسر مسور تو ۔ علاقہ نا تحصیل چیرمین نا دفترئِ ھندہ کتاب جاہ نا جاگہ غا جوڑ کریر چیرمین صاحب نا تولنگ آن پد دا کتاب جاہ نا وجود ختم مس۔ ولے اونا کتاباک داسکا ھنداہ ٹاون ٹی مش تے تو ھوار تمو کو ۔
سال 2010 ٹی شاہی باغ روڈ آ مُست انا آفیسر کلب نا ھندا اسے زیباو ماڑی اسے نا بنداو تخنگا وباز تیزی اٹ دانا کاریم بنا مس ۔اول اٹ تو مخلوق ھچ سرپند متوکہ کے دا ماڑی انت اسے نا ءاور انت اس جوڑ مننگے ۔
اسے سال سے نا تہٹی دا ماڑی تیار مس و اسے بھلو بورڈ اس پیشن روڈ انا زیاءلگا اوڑا لکھوک اس” سراوان ڈیجیٹل پبلک لائبریری مستونگ “
سال 2012 ٹی دا ماڑی نا افتتاح مس داناافتتاح ئِ مسکوئی وزیراعلیٰ بلوچستان نواب محمد اسلم ریئسانی صاحب کرے ۔
افتتاح آن تہ گڈ لائبریری نا زمواری ئِ کلچر،ٹورایزم،آرکاﺅیز،لائبریریز ڈیپارٹمنٹ ءِتننگا ھرا نا باقائدہ ھنڈنگ ٹیکنگ نا دود مسک۔ لائبریری تا ڈپٹی ڈائریکٹر آفیسر محمد عمران جتک صاحب مستونگ نا ڈپٹی کمشنر نورالحق بلوچ صاحب آن دا لائبریری نا زمواری ئِ تینتو ھلک و 4 تونا واقفہ ٹی لائبریری نا پوسٹ اتا علان ءکرے اور ٹیسٹ انٹرویو تے کرفے ۔
سال2013 نا اولیکو تو ٹی ننا آرڈرز آک مسور پدا دا زیباغا ماڑی نا چارج ئِ کنے تننگا ۔
اولیکو دے ای ھراتم دا کتاب جاہ ٹی داخل مسوٹ تو دانا زیبائی کنے باز وڑا کنا بننگان مست دا لائبریر ی نا کتاباک اسے عام و دوکان اسے نا وڑھ اٹ تیخوک اسور دا کتاباتہ ( اکسیشن۔ کیٹلاگنگ۔کلاسیفیکیشن) کننگ کنکہ اسے باز بھلو کاریمس اس ۔ کاریم نا تجربہ ھلو کہ تینا سینئر آ سنگتاتیان مشورہ کننگان پد ای تینا ٹیکنیکل آ کاریم ءشروع کریٹ تینا کمک کہ ای تینا سینئر آ سنگت فیض قلندرانی ئِ کراچی آن بٹنگاٹ ۔
فیض جان دا وخت آ کراچی نا بھلا لائبریری ناصر حُسین لائبریری ٹی کاریم کریکہ ۔اسے دے آسے کہ کنا کمک آ بس و تینا کراچی والا فارمولہ ئِ کنے روغاما ۔
اونا ھننگ آن پد ای و کنا ایلو اسٹاف نا سنگتاک باز محنت اٹ تینا کاریم تے ایسر کرین وتینا دا زیباغا لائبریری ءِاسے زیباو دروشم اس تسن۔
لائبریری نا ممبر شپ ئِ بناءکرین تو خوانوکا مخلوق نا بھلو کچ اس نن تو ممبر شپ ھلکور ۔ ھندن خوانوکا مخلوق نا خاطران نن فٹبال اسٹیڈیم اٹ آل پاکستان نا میچ آ تا دوران تینا لائبریری نا ممبر شپ آتا پڑوئِ کریفین۔
علاقہ نا مخلوق آن پیدس دا زیباغا لائبریر ی ءھوننگ کہ بھلو بھلو شخصیتاک بسونو ھرافتے ٹی نواب زادہ حاجی لشکری رئیسانی، جوڈیشل مجسٹریٹ روزی خان بڑیچ، ڈی سی طفیل بلوچ، ڈی سی محراب شاہ۔ مسکوئی سیکٹری ثقافت سمالانی صاحب۔ مسکوئی ڈپٹی سیکریٹری عبدالرحمان بلوچ صاحب ، بنجائی ڈپٹی سیکریٹری حاجی سعادت خان دہوار۔ ڈپٹی ڈائریکٹر محمد عمران جتک صاحب۔ اے سی شفقت شاہوانی،پی آر او منسٹر
محمد حسنی صاحب۔ رجسٹرار بلوچستان یونیورسٹی۔ کرنل جیند اکبر صاحب۔ داکا بیدس ادبی ¾ سنگتاتا بھلو کچ ئس مُر خڑکان دا لائبریری آبسنو و داکان مقابلہ نا امتحان تا تیاری کرینو اندن داسلسلہ داساہم برجائِ….
سال2014 ٹی راہشون ادبی دیوان بلوچستان نا پارغان اسے ادبی و پروگرام اس لائبریری ٹی اڈ تیننگا ۔ دا پروگرام آ علاقہ آن بیدس پیشن نا ادب دوست آ سنگتاتا اسے بھلو کچ اس بسک ھندن براہوئی زبان وادب نا پنی آ دانشور ونوشتہ کارآک ڈاکٹر لیاقت سنی، حمید عزیز آبادی ، سیدغریب شاہ انجم آن بیدس راشون ادبی دیوان بلوچستان نا کل سنگتاتا جہد وکوشسشت آن لائبریری ٹی ادبی آ پروگرام آتا بنداو تخنگا ۔داادبی مجلس تے آن لس مخلوق ٹی خواننگ و لائبریری کلچر نا فروغ ٹی آگہی ئس تالان مس ۔
اندن سال2015 ٹی الف اعلان و راشون ادبی دیوان نا پارغان تعلیم نا سرحال آ اسے دے ئی و سیمینار اس اڈ تننگا دا پروگرام اٹی ھم ادب دوست و لیکچررآک ، سکول ، کالج و یونیورسٹی نا طالبعلم آک بھلو کچ اسے ٹی بسرو لائبریری نا زیبائی ءپین زیبا کریر ۔ ورناتا دا جوزہ ادبی سرگرمی تے محسوس کریسہ سال 2015 ٹی پدا راھشون ادبی دیوان نا سنگتاتا کمک اٹ بلوچستان نا پنی آ دانشور ، مورخ ، صحافی ملک الشعرائ
” میر گل خان نصیر “نا دے انا رد اٹ اسے ادبی مچی اس اڈ تننگا یکا نا وڑدا مچی ٹی ھم ورنا تا جوزغاک بڑز اسور ۔
ادبی و تعلیمی آ مچی آتا کننگ آن پد خوانوکا چنا و‘ ورنا تا ادبی آ سنگتاتہ بھلو کچ اس داسا لائبریری آن مستفید مننگو ۔
دا کم وخت اٹ داسرسوبی ئِ ای تیناو تینا علاقہ نا خوش بختی سمجھیوہ کے ننا ورناک لائبریری آن فائدہ ھرفنگوودا وخت اسکاگڑاس ورنا اندالائبریری ٹی تیاری کرسہ تینکے جوانو پوسٹ ہم دوئی کرینو ۔ ھرافتے ٹی ۔ ملک طاہر خواجہ خیل ،فشرییز ،عبدالفتاح معدنیات، بلال احمد انگلش لیکچرار، عبدالروف انگلش لیکچرار، مقصود احمد کمپیوٹر آپریٹر، آفتاب قمبرانی ڈاکٹر ، بصیر بنگلزئی انجینئرنگ ، قدیر دہوار انگلش لیکچرار ، کنے کنا علاقہ نا دا ورنا تا زیا فخر ئِ ھرافک دا زیباغا ماڑی آن فائدہ ھرفسہ تینا مزل آتے دوئی کریراوفتا کتاب ولائبریری آن خڑکی و داسرسوبیک اندا کلہو ایترہ کہ ہرکسس اگہ علم وآگہی نا پارہ غا بننگ خواھک ہرکسس اگہ سیال قوم ئَ سینا ایلو دنیا نا مقابلہ ئِ کننگ خواھک تو اوکتاب و لائبریری نا پارہ غا برے ۔
دا ورناتا کامیابی آن 28 جنوری سال 2016 ٹی راھشون ادبی دیوان بلوچستان نا سنگتاک لائبریری کلچر نا سر حال ئَ اسے دے ئی و سیمینار اس ”سروان ڈیجیٹل پبلک لائبریر ی “ٹی اڈ تسر ، دا مچی نا خاصیت دا اس کہ دا ٹی آفاق پبلیکیشن پاکستان نا ریجنل ڈائریکٹر محمد نعیم رند و براھوئی ادبی سوسائٹی نا چیرمین عبدالقیوم بیدار صاحب و پی ٹی وی بولان نا مچا ٹیم تون اوار ہفت روزہ تلار نا شونکار پنی آ نوشتہ کارعبدالرازق ابابکی ،نوشکے راسکوہ ادبی دیوان آن غمخوارحیات، راسکوہ ادبی دیوان شال ھنکین نا سنگت جمیل فاکر،سیوت ادبی دیوان شال نا سنگتاک پنی آ شاعرسائرعزیز، خالد زیب ، لطیف شہزادواوفتا ایلو سنگتاک ، راہشون شال نا سنگتاک ، آصف بلوچ ،ڈاکٹر صلاح الدین ، گل شیر سمالانی اوفتا ایلو سنگتاک ، آماچ نا سنگتاک حاجی شاہ بیگ شیدا،خواجہ فیض بولانی ،رحیم ناز،فتح شاد، عبداللہ، جوہر،عطاءانجم ،نذیر حسرت، شاشان نا بشیر شادومستونگ نا چندی نا پین شاعرآک تون راہشون ادبی دیوان نا سید غریب شاہ انجم ، ڈاکٹر لیاقت سنی ، حمید عزیزآبادی ، بسمل بلوچ ، عامر فیاض ، حسن ناصر وایلوفک ساڑی اسُر ۔دامچی ٹی کتاباتا مون پاشی دودآن بید اسہ گچینومشاعرہ ئس ہم اڈ الک ہراٹی سی آن زیات شاعرتینا کلام تے بنفیرو لائبریری کلچر نا سر حال آ باز جوانی اٹ گپ وتران مسک ہراڑان پروگرام اٹ ساڑی آ ورناک باز مستفید مسُر ۔
علاقہ نا ویل و مشکلات و بیروزگاری نا باوجود علاقہ نا ورناک تینا جوزہ غاتے ماندہ کتانو کتاب و لائبریری ٹی تینا محنت اٹ لگو کو ۔
دُعا ھندادے کنا ہر ورنا تینا شوق ئِ خواننگ اٹ خلے بروکا وخت اٹ تینا مخلوق اور علاقہ نا خدمت ئِ کیر۔
