صوبائی کابینہ کا کچلاک بم دھماکے کی مذمت‘48گھنٹوں میں رپورٹ طلب

صوبائی کابینہ کی جانب سے کچلاک کے مدرسہ میں ہونے والے بم دھماکے کی مذمت کرتے ہوئے آئی جی پولیس کو ہدایت کی ہے کہ وہ واقعہ کے تمام پہلوﺅں اور محرکات کا جائزہ لیکر 48 گھنٹے میں رپورٹ پیش کریں ۔ترجمان حکومت بلوچستان لیاقت شاہوانی کے مطابق گزشتہ روز صوبائی کابینہ کا دھماکے میں قیمتی جانی نقصان پر افسوس کا اظہارکرتے ہوئے بم دھماکے کی مذمت کی ۔صوبائی کابینہ نے آئی جی پولیس کو واقعہ کے تمام پہلوں اور محرکات کا جائیزہ لیکر 48 گھنٹے میں رپورٹ پیش کرنے کی ہدایت کی ہے ،ترجمان بلوچستان حکومت لیاقت شاہوانی کاکہناتھاکہ زخمیوں کو علاج معالجہ کی بہترین سہولتوں کی فراہمی یقینی بنائی جا رہی ہے،مساجد مدارس اور عبادت گاہوں کے سیکیورٹی پلان کا اسرنو جائیزہ لیکر اسے مزید موثر بنایا جائے گا ۔انہوں نے کہاکہ نمازیوں کو دہشت گردی کا نشانہ بنانا انتہائی مکروہ اور قابل مذمت فعل ہے واقعہ میں ملوث عناصر کو کیفر کردار تک پہنچایا جائے گا۔